Siemens Gamesak eta 4gune Ingeniaritza, Zientzia eta Teknologiako Euskadiko clusterrak atsegin handiz gonbidatzen zaituztete mahai-inguru honetara: “Energia-trantsizioaren erronkak eta lan-aukerak Euskadin”; ekainaren 8an izango da, 10:00etatik 11:30era, Zabalgune eraikinean (Zabalgune plaza, 11).
Eztabaida-mahai hori hautatu du Europar Batasunak, beste ekitaldi batzuekin batera, 2023ko Europako Aste Berdea ospatzeko.
Jardunaldiaren helburua da lan-merkatuko energia-trantsizioaren erronkaren dimentsioari eta aldaketa teknologiko azkarrei eta planetaren beroketaren arriskuari aurre egiteko behar diren eskumenei heltzea enpresa-ingurunearen, ingurune akademikoaren eta politikoaren esperientziatik eta ikuspegietatik.
Horretarako, euskal unibertsitateetako, Eusko Jaurlaritzako eta Euskadin presentzia duten energia-sektoreko enpresa nagusietako ordezkariak izango ditugu.
2020tik, Siemens Gamesak trantsizio energetikoari lotutako erronkak konpontzen parte hartzeko aukera eskaintzen die unibertsitateko ikasleei, Students4Sustainability programaren bidez. Euskadin, 4gune Euskadiko Ingeniaritza, Zientzia eta Teknologiako clusterrarekin duen lankidetza emankorrari esker gauzatzen da programa hori.
Ekitaldia Xabier Ochandiano Martínezek, Garapen Ekonomiko, Merkataritza eta Enplegu Saileko zinegotzi ordezkaria, Miren Artarazek, Eusko Jaurlaritzako Unibertsitate Politika eta Koordinazioko zuzendaria eta 4gune klusterreko zuzendariak inauguratuko dute, eta mahai-ingurua izango da ondoren, José Ignacio Hormaeche Energiaren Euskal Clusterreko zuzendaria moderatzaile dela.
Hizlari gisa, hauek hartuko dute parte:
• Iker Echarri, Siemens Gamesako Talentuaren eta Lidergoaren Garapeneko zuzendaria.
• Leire Hormigo, Iberdrolako Talentuaren eta Garapenaren arloko Iparraldeko arduraduna.
• María Gaztelu, Petronorreko talentu-kudeatzailea.
• Pablo Garcia Bringas, Deustuko Unibertsitateko Ingeniaritza Fakultateko Nazioarteko Gaietako eta Etengabeko Prestakuntzako dekanordea.
• Alberto Oleaga, Euskal Herriko Unibertsitateko Ingeniaritza Eskolako Enpresarekiko Harremanetako zuzendariordea (EHU).
• Nekane Errasti, Mondragon Unibertsitateko Ingeniaritza Fakultateko zuzendari akademikoa.
Albisteak, lotutako berriak
-
Naiara Vidal: “Unibertsitateen arteko prestakuntzako 4guneren Programa Exekutiboak urratsak egiten lagundu du Euskadiko industria sarearen eraldaketa digitalean.”
4GuneIndustria Adimenduneko Programa Exekutiboaren lehen edizioa arrakastaz egin da 2023an 4gunek –Euskal Ingeniaritza, Zientzia eta Teknologia klusterra– koordinatuta, Eusko Jaurlaritzako Unibertsitateak eta Ikerketa Sailburuordetzaren eta IMH Fabrikazio Aurreratuko Campusak, Deustuko Unibertsitateko Ingeniaritza Fakultateak, Goi Eskola Politeknikoa – Mondragon Unibertsitateak eta Nafarroako Tecnun Unibertsitateak osatutako batzorde akademikoaren babesarekin.
-
Talentu zientifiko-teknologikoa indartzea eta trebatzea ZTBP Euskadi 2030 testuinguruan
4GuneZientzia, Teknologia eta Berrikuntzako Plana, Euskadi 2030 (ZTBP 2030) plana zuzenean lotzen da Euskal Autonomia Erkidegoak ikerketaren eta berrikuntzaren alde egiten duen apustu estrategikoarekin. Plan horretan, jakintza- eta teknologia-azpiegitura garrantzitsutzat jotzen da 4gune trebakuntzari eta enpresen I+Ga sustatzeari dagokienez, betiere Unibertsitatea+Enpresa elkarlanaren ikuspegitik begiratuta.
-
4gunek eta AIC erakundeak Open University 2023/24 erronkak aurkeztu dituzte
4Gune4gune Enpresa+ Unibertsitatea programak ikerketako 19 erronka berri aurkeztu ditu automobilgintzaren sektorerako, 4gune - Euskadiko Ingeniaritza, Zientzia eta Teknologia Klusterraren eta AIC-Automotive Intelligence Center erakundearen arteko elkarlanaren bitartez.