4gune klusterreko zentroek arrakasta handiz parte hartu dute Aalborgeko Unibertsitatearen (Danimarka) Megaprojects programan, Siemens-Gamesaren eskutik.
4gune klusterraren eta Siemens-Gamesa Renewable Energyren arteko lankidetzaren esparruan abiatu da Aalborgeko Unibertsitatearen Megaprojects programa, trantsizio energetikoa eta ekonomia zirkularra jorratzen dituen proiektu pilotua.
Oraingo honetan proposatutako erronka, «Trantsizio energetikoa soluzio jasangarriekin», ekonomia zirkularraren eta enplegu sorkuntzaren bidez tokiko sistema energetikoa deskarbonizatzeko eta ingurumen eta gizarte inpaktu materiala minimizatzeko Megaproiektuaren esparruan kokatuta dago. UPV/EHUko Zientzia eta Teknologia Fakultateak, UPV/EHUko Bilboko Ingeniaritza Eskolak eta Deustuko Unibertsitateko Ingeniaritza Fakultateak –denak ere 4gune klusterreko kideak dira– aurkeztutako lau proiektu finantzatu ditu Siemens-Gamesak. Honako hauek dira aukeratutako proiektuak:
- Olioak birziklatzea eta aerosorgailuen osagaietarako erretxina berriak garatzeko erabiltzea.
- Itsas industriarako prototipo baten bizi zikloa ebaluatzea, ozeanoko hondakin plastikoak berrerabiliz.
- Zed: Zero emisioko barrutia diseinatzea: ikuspegi jasangarri bat Zorrotzaurrerako.
- Etorkizuneko energia berriztagarrien sektoreko profesionalek beharrezko dituzten trebetasun eta gaitasunak identifikatzea.
Lehenengo deialdia arrakastatsua izan denez, lankidetza formula berari eutsi zaio hurrengo edizioetarako, eta 4gune klusterrak eta SGREk elkarrekin lan egiteko bide berriak zabaldu dira.
Albisteak, lotutako berriak
-
AIC Open Universityk 13 unibertsitate proiektu hautatu ditu, mugikortasunaren sektoreko erronka estrategikoei ekiteko
4GuneUPV/EHUk, Deustuko Unibertsitateak eta Mondragon Unibertsitateak, 4gune ekosistemako kide diren aldetik, 2023/24 ikasturteko 4gune Enpresa+Unibertsitatea programako “AIC Open University” deialdiari erantzun diote. Horrela, 13 proiektu aurkeztu dituzte unibertsitatearen ezagutza enpresetara transferitzeko asmoz, ardatz hartuta diseinua, simulazioa, materialak eta fabrikazio teknologia aurreratuak, eta ibilgailuaren hainbat kontzepturi begira.
-
4gunek «Industria adimenduna: teknologian oinarritutako erabakiak hartzea» ikastaro exekutiboa aurkeztu du
4Gune4gune klusterraren upskilling programa berria 2024ko maiatzatik ekainera bitartean emango da eta Euskadiko trantsizio digitalari erantzuten lagunduko du, Euskadiko Ingeniaritza, Zientzia eta Teknologia fakultate eta eskolekin eta BRTA aliantza teknologikoarekin lankidetzan emandako unibertsitate arteko prestakuntzaren bitartez.
-
Euskadiko Ikerketa eta Berrikuntza Teknologikorako laguntzen deialdi berria
4GuneEusko Jaurlaritzako Hezkuntza Sailaren UEP 2024 dirulaguntzen deialdiaren helburua da 2024-2025 aldian unibertsitatetik enpresetara ezagutzaren transferentzia bultzatzea, azken hauen interesen arloen arabera.