Bi ikerketa proiektuak Siemens Gamesa Renewable Energy (SGRE) enpresak finantzatu ditu, Euskadiko Ingeniaritza, Zientzia eta Teknologiako 4gune klusterrarekin duen lankidetzaren esparruan. Kluster horretan parte hartzen dute, halaber, beste unibertsitate zentro batzuek, hala nola Deustuko Ingeniaritza Fakultateak. RENSKILL eta S4SYMB energia berriztagarrien eta energia efizientziaren arloko gaitasunak identifikatzera bideratuta daude.

#Students4Sustainability programaren barruan martxan jarri ondoren, RENSKILL (1) eta S4SYMB (2) egitasmoek ezagutza zientifikoa sortzen laguntzen jarraitzen dute, kasu honetan inpaktu handiko argitalpen batekin. Zehazki, proiektuen emaitzak Environmental Sciences Europe aldizkarian argitaratzea lortu da. Aldizkari hori Journal Citation Reports (JCR) eta Scimago Journal Rank (SJR) zerrendetako lehenengo kuartilean (Q1) dago indexatuta.

Proiektu horien ikertzaile nagusi Aitor Gotiren arabera, #Students4Sustainability programaren hirugarren deialdiaren bitartez erakunde horien babesa “giltzarria izan da arrakastok lortu ahal izan dituzten ikasleen talentua hurbildu ahal izateko”.

Identifying the skills requirements related to industrial symbiosis and energy efficiency for the European process industry’ artikuluak industria sinbiosiarekin eta energia efizientziarekin lotutako trebetasunen betebeharrak identifikatzen ditu etorkizuneko Europako prozesuen industriarako. Testuaren hasieran, Europako industria eraldatzeko beharra aipatzen da, ekoizpen jasangarri baten beharrari aurre egiteko.

Idatziaren helburua da aldaketa horiei aurre egiteko lan indar trebea eta gaitua sortzen laguntzea, bide hori egiteko behar diren trebetasunak eta abileziak identifikatuz, bai eta energia efizientziarekin eta industria sinbiosiarekin lotutako lan profilak ere, sektore energetikoki intentsiboetan, eta lanpostu horien etorkizuneko trebetasun beharrak identifikatzeko tresna bat aurkeztuz.

Lana bat dator lanpostuak definitzeko eta sailkatzeko ESCO (European Skills, Competences, Qualifications and Occupations) sistema europarrarekin. Hori horrela, oinarri komun bat ezartzen da beste ikasketa batzuekin, Europar Batasunaren betebeharrekin bat datozen gaikuntza planen bidez lagundu ahal izateko.

 

Informazio gehiago:

#Students4Sustainability programa Siemens Energy enpresaren Gizarte Konpromisoaren arloko Sailak sustatzen du, Euskadiko 4gune – Ingeniaritza, Zientzia eta Teknologia Klusterrarekin eta KSIgune - Kultura eta Sormen Industrien Klusterrarekin lankidetzan.

 

Erreferentziak:

1. RENSKILL Etorkizuneko energia berriztagarrien sektoreko profesionalek behar dituzten trebetasunen eta gaitasunen identifikazioa

2. S4SYMB Energia efizientzia eta industria sinbiosia maximizatzeko beharrezkoak diren trebetasunak eta gaitasunak

-------

Irudia © The Jopwell Collection/Unsplash

Albisteak, lotutako berriak

  • 4guneko ekosistemaren bilera

    Euskal Unibertsitate Sistema, Euskadiko nazioartekotzeko motorra

    4Gune

    4gune klusterrak Quantum Teknologien arloko lehen Basque International Masterra (BIM Quantum) koordinatuko du, Eusko Jaurlaritzako Unibertsitate Politika eta Koordinaziorako Zuzendaritzarekin eta EUSeko unibertsitateekin lankidetzan. Ekintza hau Eusko Jaurlaritzak 2024an aurkeztutako Unibertsitateak + Euskadi Basque Country 2030 Esparru Estrategiaren barruan kokatzen da.

  • AIC

    AIC Open Universityk 13 unibertsitate proiektu hautatu ditu, mugikortasunaren sektoreko erronka estrategikoei ekiteko

    4Gune

    UPV/EHUk, Deustuko Unibertsitateak eta Mondragon Unibertsitateak, 4gune ekosistemako kide diren aldetik, 2023/24 ikasturteko 4gune Enpresa+Unibertsitatea programako “AIC Open University” deialdiari erantzun diote. Horrela, 13 proiektu aurkeztu dituzte unibertsitatearen ezagutza enpresetara transferitzeko asmoz, ardatz hartuta diseinua, simulazioa, materialak eta fabrikazio teknologia aurreratuak, eta ibilgailuaren hainbat kontzepturi begira.

  • 4guneko Ikastaro Exekutiboa 2024

    4gunek «Industria adimenduna: teknologian oinarritutako erabakiak hartzea» ikastaro exekutiboa aurkeztu du

    4Gune

    4gune klusterraren upskilling programa berria 2024ko maiatzatik ekainera bitartean emango da eta Euskadiko trantsizio digitalari erantzuten lagunduko du, Euskadiko Ingeniaritza, Zientzia eta Teknologia fakultate eta eskolekin eta BRTA aliantza teknologikoarekin lankidetzan emandako unibertsitate arteko prestakuntzaren bitartez.