Deustuko Unibertsitateak sariaren VIII. edizioa aurkeztu du
Deialdia martxoaren 24tik ekainaren 21era arte egongo da zabalik.
Saria 3.000 euroko zenbatekoa izango du. Emakume Teknologoarentzako Ada Byron Saria emateko Zeremonia 2021eko urrian izango da. Espero dute Deustuko Unibertsitateko (Bilbo) Paraninfoan modu erdipresentzialean egin ahal izatea.
Esparru akademiko, enpresa eta erakunde mailetako pertsonek osatutako epaimahai independente batek aztertuko ditu hautagaitzak eta proposatuko du saria nori eman.
Nork har dezake parte?
Baldintza hauek betetzen dituen edozein emakumek:
- Adinez nagusi izatea eta Estatu Espainiarrean bizitzea.
- Ingeniaritzako unibertsitateko goi titulua izatea eta/edo lanbidea esparru teknologikoan garatua izatea.
Balorazio irizpideak
- Karrera zientifikoan edo lanbidekoan egindako berrikuntzen garrantzia.
- Titulazio osagarriaren balioa (graduondokoa, doktoregoa).
- Jarduera desberdinak lotzeko gaitasuna, beste pertsona eta erakunde batzuekin lankidetzan arituz.
- Ezagutzak eta lorpenak zabalkunde publikoaren bidez gizarteratzeko gaitasuna.
- Zailtasunei aurre egiteko gaitasuna. Horien barruan sartuko dira emakume izateari lotutakoak eta bizitza pertsonala, familiako eta laneko eta/edo lanbidekoa bateratu beharrak sortutakoak.
- Beste emakume batzuk esparru zientifikoan aritu daitezen bultzatzeko egindako ekarpena, baita esparru horretan berdintasun handiagoa izan dadin aldaketak bultzatu izana ere.
Informazio gehiago: https://ingenieria.deusto.eus/cs/Satellite/ingenieria/eu/ada-byron-saria-1/oinarriak?cambioidioma=si
Albisteak, lotutako berriak
-
AIC Open Universityk 13 unibertsitate proiektu hautatu ditu, mugikortasunaren sektoreko erronka estrategikoei ekiteko
4GuneUPV/EHUk, Deustuko Unibertsitateak eta Mondragon Unibertsitateak, 4gune ekosistemako kide diren aldetik, 2023/24 ikasturteko 4gune Enpresa+Unibertsitatea programako “AIC Open University” deialdiari erantzun diote. Horrela, 13 proiektu aurkeztu dituzte unibertsitatearen ezagutza enpresetara transferitzeko asmoz, ardatz hartuta diseinua, simulazioa, materialak eta fabrikazio teknologia aurreratuak, eta ibilgailuaren hainbat kontzepturi begira.
-
4gunek «Industria adimenduna: teknologian oinarritutako erabakiak hartzea» ikastaro exekutiboa aurkeztu du
4Gune4gune klusterraren upskilling programa berria 2024ko maiatzatik ekainera bitartean emango da eta Euskadiko trantsizio digitalari erantzuten lagunduko du, Euskadiko Ingeniaritza, Zientzia eta Teknologia fakultate eta eskolekin eta BRTA aliantza teknologikoarekin lankidetzan emandako unibertsitate arteko prestakuntzaren bitartez.
-
Euskadiko Ikerketa eta Berrikuntza Teknologikorako laguntzen deialdi berria
4GuneEusko Jaurlaritzako Hezkuntza Sailaren UEP 2024 dirulaguntzen deialdiaren helburua da 2024-2025 aldian unibertsitatetik enpresetara ezagutzaren transferentzia bultzatzea, azken hauen interesen arloen arabera.